Landessprachliche Beiträge zur Dixieland-Lyrik - DrJazz

DR. JAZZ
Dixieland aus dem Remstal
Direkt zum Seiteninhalt

Landessprachliche Beiträge zur Dixieland-Lyrik

DIE BAND

Schwäbische Dixieland-Songs

Die Erfindung des Dixieland ging also nicht nur vom Remstal aus, wie wir aus der Gschichte von der Entstehung des Jazz gelernt haben.
Auch wichtige im Dixieland verarbeitete literarische Werke wurden im Remstal produziert.
Häufig nehmen sie Bezug auf aktuelle Ereignisse, lokale Besonderheiten und vor allem auf das Schwoba-Sein als solches.

Dazu finden Sie hier einige Texte, mit denen Dr.Jazz seine abgeklärte Sicht der Dinge der Welt, des Dixieland und vor allem anderem, des Schwobalandes und seiner Bewohner zeigt:


1. Auf'm Weinfest / Bierfest            (Version Bierfest, Musik: Eigenkomposition)

Pils oder Woizabier, a Vesper zwischenei, des muss mei Biergarte sei.
Alte ond Jonge hen das Bierglas in der Hand, sitzet gemütlich beieinand.
Saufet ond schwätzet ond pousiere tun se au,
wieviel Promill mer hat, des wois ja koi Sau
Kuddla ond Leberwurscht, a Hompa voll mit Bier,
deswega send mir schliesslich hier.

Gang I zom Bierfest plan I es von vorne rei, drei bis vier Bier müssets scho sei.
Manchmal au meh, doch des hängt immer davon ab, wo e mei Alte  g'lassa hab.
Meischt hockt se do ond zählt a jedes Glas Bier,
Bleibt se drhoim no dann zähl i erscht ab Glas vier
Ob se drbei isch oder net des isch grad wurscht,
I brauch a Bier für meinen Durscht.

              

Han I zwoi Bier no ond i  merk, mei Ranza spannt, denk I an Dich, mein Schwobaland
I brauch koi Sparpaket, EU ond Griechenland, I han mein Kretschmann, GottseiDank!
Der schwätzt drher so lahmarschich wie’s irgend geht
Dass en sogar der gröschte Sempel versteht.
Im höchsten Amt in diesem Land aus Wald und Wein,
muss es ein Schwobaseckel sein.

Han I drei Bier no lenkt sich mei glasklarer Blick zielstrebich auf die Politik.
Merkel ond Seehofer dia hend plötzlich Heidanei, en dicka Erzengel dabei.
Doch se schwätzet grad wie vorher ond es kommt nix raus
Wenn se net schwätzet hält mer‘s grad viel besser aus!
Drum geb ich Euch hiermit mein grössten Wunsch bekannt,
nach einem Freistaat Schwobeland.

Han I vier Bier no finde ichs garnicht mehr schee, denk ich an meinen VfB.
Meischtens verliert der ja 0:2 , 0:6 wia nex ond landet trotzdem auf Platz zwölf
Ond grad, wenn Volksfest isch brenget se nix rechts zustand
So dass mers Pfeifa hört im ganzen Schwobaland
Oimal im Jahr isch für ons trotzdem Feiertag,
da gibt’s den Bayern auf den Sack.

Han I fünf Bier no denk I an’dia alte Zeit, die es schon lange nicht mehr geit.
Remstal, mein Remstal, wer hat dich denn so versaut ond mit Fabrike voll gebaut.
Fahr I nach Schtuegert nehm I heutzutag die Bahn
weil mit dem Auto komm I meischtens zu spät an.
Isch aber Bierfest wo I unbedingt na muss
dann gang I lieber halt zu Fuss.



2. Auf der Remstal-Eisebahna

Auf dr Remstal Eisabahna
Wollt amol a Jazzer fahre
Goht zom Schalter, lupft da Hut
A Billettle, sends so gut.

Stuttgart, Fellbach, Endersbach
Geradstetta, Winterbach.
Schorndorf war sei Endstation,
Lange wollt er dorthin schon.

Weil do solls en Jazzclub geba
Wo der Vorstand moint im Leba
Müsst a jeder Jazzer schon
Ghört han sein speziellen Ton.

Onser Jazzer goht zur Kasse
Ob man ihn denn rein auch lasse,
Er will höra Dixieland,
wie er den von früher kennt.

"Was bist du denn für ein Sembel "
Sagt die mit dem Einlassstempel
"Bei ons spielt mer schräge Nota
Drom isch Dixieland verbota".

Trulla trulla trullala,
Trulla trulla trullala,
Z‘ Schorndorf spielt mr schräge Nota
Drom isch Dixieland verbota!

Trulla trulla trullala,
Trulla trulla trullala,
Was isch des au für ein Mischt,
Wenn Dixieland verbota ischt!













3. Der schwäbische Bill Bailey - ein erotisches Drama aus dem Remstal.  (Musik: Bill Bailey/ Hugh Cannon)

Sui:
Mogsch net bald hoim, Heinz-Egon,
mogsch net bald hoim,
I hoff mir ganget bald.
Mogsch net bald hoim, Heinz-Egon,
mogsch net bald hoim,
heit werd I do net alt.
Mogsch net ens Nescht, Heinz-Egon,
mogsch net ens Nescht,
Des wär doch´s ällerbescht.
Denn do kannschd Decka lupfa
ond an dei Frau na schlupfa
Ond I mach no da Rescht!

Er:
Noi I gang net hoim, Berta,
I gang net hoim,
Scho gar net en dei Nescht.
Noi I gang net hoim, Berta,
I gang net hoim,
Dia Viertele send´s Bescht.
Ond ao die Kuttla, Berta,
die schmecket mir
Deswega bleib I hier.
Mit Dir em Nescht romtorna
stenkt mir von hent bis vorna
I komm no hoim om vier.

Sui:
Komm mir bloß hoim, Heinz-Egon,
komm mir bloss hoim
Do wirsch du no scho säh
Komm mir bloß hoim, Heinz-Egon,
komm mir bloss hoim
Mit schlupfa goht nix meh
Bisch no drhoim, Heinz-Egon,
bisch no drhoim,
schlofsch auf dem Kanapee.
Hosch Du no so en Affa,
han I mit dir nix z‘schaffa
No siesch mi nimmermäh.
.......

Fazit:
Gegen Wein und Tabaksdunst
ist all Weiberlist umsunst.



4. Dr. Jazz, Dixieland aus dem Remstal (Musik: Doctor Jazz/ King Oliver)

Hallo, Leitle, mir sen Doktor Jazz.
Mir spieln für euch Dixie ohne Stress.
Denn hängsch Du mal den Riasel ra
ond Du fühlsch Dich mies,
bringt Dich Doktor Jazz, na klar,
schnell wieder auf die Füss.
Schlechte Laune, Depression, koi Geld,
ond koiner mag Di auf der ganzen Welt :
ohne Pille und Klistier,
Doktor Jazz hilft jedem hier.
Hallo, Leitle, mir sen Doktor Jazz   


Kontakt: kontakt@dr-jazz.com
Hartmut Götz, 91207 Lauf, Simonshoferstr. 47, Tel. 09123 8098292
Dr.Günther Paucker, 71384 Weinstadt, Weinsteige 10, Tel. 07151 65291
Zurück zum Seiteninhalt